انتہا پسندی کو ہوا دینے میں امریکا کا کلیدی کردار ہے، سعد رفیق
لاہور(ملت آن لائن)وزیرریلوے خواجہ سعد رفیق کا کہنا ہے کہ انتہاپسندی کو ہوا دینے میں امریکی پالیسیوں کا کلیدی کردار ہے۔
سماجی رابطے کی ویب سائٹ ٹویٹر پر اظہار خیال کرتے ہوئے وزیرریلوے سعد رفیق کا کہنا تھا کہ وزیرخارجہ خواجہ آصف نے کمال جراٗت اور تدبر کے ساتھ امریکی پالیسی سازوں کو ان کی سرزمین پر آئینہ دکھایا، اسلامی انتہا پسندی کو ہوا دینے میں امریکی پالیسیوں کا کردارکلیدی ہے جب کہ ’’ڈومور‘‘ کا مشورہ دینے والے امریکی حکمران دنیا میں فساد پھیلانے کے ذمہ دار ہیں اور پاکستانی قوم اور ہمارے سیکیورٹی اداروں کی عظیم قربانیوں کا اعتراف نہ کرنا شدید نا انصافی ہے۔
سعد رفیق کا کہنا تھا کہ غیرملکی فنڈز پر پلنے والی پی ٹی آئی قیادت کو اپنے گریبان میں جھانکنا چاہیے، عمران خان کے یہودی لابی سے مراسم کوئی راز کی بات نہیں۔