خبرنامہ

اسلام آباد (ملت + آئی این پی) وزیر مملکت برائے پانی وبجلی عابد شیر علی نے کہا ہے کہ فوجی عدالتوں کی مدت میں توسیع کی مخالفت کرنے والے دہشت گردوں کے سہولت کار ہیں ، حسین حقانی پیپلزپارٹی کا لاڈلاسپوت رہا ہے ، حسین حقانی کا بیان ملکی سالمیت کے خلاف ہے ، حیسن حقانی کو انٹرپول کے ذریعے گرفتار کر کے پاکستان لایا جائے اور اس پر مقدمہ چلایا جائے ، معاملے پر عدالتی یا پارلیمانی کمیشن قائم کیا جائے ۔ وہ منگل کو پارلیمنٹ ہاؤس کے باہر میڈیا سے گفتگو کر رہے تھے ۔انہوں نے کہا کہ پیپلزپارٹی کی طرف سے حسین حقانی کے خلاف اعلان لاتعلقی کافی نہیں ، وہ پیپلزپارٹی کا لاڈلا سپوت اور امریکہ جیسے اہم ملک میں پاکستان کا سفیر رہا ، حسین حقانی کے بیان کے بعد بلاول بھٹو یا آصف علی زرداری کو جواب دینا چاہیے ، حسین حقانی کے بیان سے بین الاقوامی سطح پر پاکستان کا امیج خراب ہوا ۔ عابد شیر علی نے کہ اکہ سابق حکومت کے دور میں جب میموگیٹ اسکینڈل سامنے آیا تو وزیراعظم نوازشریگ معاملے پر عدالت گئے ، اب بھی حسین حقانی جیسے غدار کو چھوڑنانہیں چاہیے حسین حقانی کے معاملے پر عدالتی یا پارلیمانی کمیشن قائم کیا جائے ، حسین حقانی کو انٹرپول کے ذریعے گرفتار کر کے وطن واپس لا کر اس پر مقدمہ چلایا جائے ، پیپلزپارٹی کو اس بات کی وضاحت کرنی چاہیے کہ حسین حقانی جیسے غدار شخص کو سفیر کیوں لگایا گیا ۔ وزیر مملکت نے کہا کہ منلکی سالمیت اور دہشت گردی کے خاتمے کیلئے فوجی عدالتوں کا قیام ناگزیر ہے ، فوجی عدالتوں کے قیام کا مقصد دہشت گردوں اور ان کے سہولت کاروں کا خاتمہ کرنا ہے ، فوجی عدالتوں کی مخالفت کرنے والوں کا مقصد یہ ہوا کہ وہ ملک سے دہشت گردوں اور ان کے سہولت کاروں کا خاتمہ نہیں چاہتے ، فوجی عدالتوں کی مخالفت کرنے والے دہشت گردوں کی سہولت کاری کر رہے ہیں ۔ (ار)