خبرنامہ

اسلام آباد(ملت + آئی این پی)صدر مملکت ممنون حسین نے کہا ہے کہ بین الاقوامی سرمایہ کاروں کو پاک چین اقتصادی راہداری میں سرمایہ کاری کے مواقع سے بھر پور فائدہ اٹھا نا چاہیے، حکومت پاکستان سرمایہ کاروں کو تمام تر سہولیات دلانے کے لیے پر عزم ہے۔ وہ منگل کویہاں ایوان صدر میں پاکستان بزنس کونسل کے صدر محمد احمد شیخانی کی سربراہی میں وفد سے ملاقات میں گفتگو کر رہے تھے ۔صدر مملکت نے وفد کو یقین دلایا کہ حکومت پاکستان سرمایہ کاروں کو تمام تر سہولیات دلانے کے لیے پر عزم ہے۔ صدر مملکت نے کہا کہ ملک میں امن و امان کی صورت حال بہتر ہوئی ہے جسے ملک میں سرمایہ کاری کے مواقع بڑھ گئے ہیں۔انھوں نے پاکستانی سرمایہ کاروں سے کہا کہ وہ تعمیرات اور توانائی کے شعبے میں بھر پور سرمایہ کاری کر سکتے ہیں اور یہ ان کے لیے نادر موقع ہے۔صدر مملکت نے پاکستان بزنس کونسل دبئی کی خدمات کو سراہتے ہوئے کہا کہ وہ پاکستان میں سرمایہ کاری کو ترجیح دیں گے اور اس امید کا اظہار کیا کہ دبئی میں منعقد ہونے والی ایکسپو 2020 سے پاکستان سرمایہ کار زیادہ سے زیادہ مستفید ہو سکتے ہیں۔ صدر مملکت نے کہا کہ حکومت نے فنی تربیت کے لیے اقدامات کیے ہیں اور جوانوں کو فنی تربیت فراہم کی ہے۔ یہ تربیت یافتہ افرادجوان دبئی اور دیگر ملکوں میں اپنی خدمات سرانجام دینے کے لیے تیار ہیں جن سے دوسرے ملک فائدہ اٹھا سکتے ہیں۔ پاکستان بزنس کونسل کے صدر محمد احمد شیخانی نے صدر مملکت ممنون حسین کو بتایا کہ پاکستان چین اقتصادی راہداری سے فائدہ اٹھانے کے لیے ان کا وفد پاکستان میں سرمایہ کرنے کی غرض سے آیا ہے۔ وفد نے اطمینان کا اظہار کیا کہ پاکستان میں امن وامان کی صورت حال بہت بہتر ہو گئی ہے