خبرنامہ

اسلام آباد ۔(ملت آن لائن) سی پیک کے تحت رواں سال بجلی اورانفراسٹرکچر کے متعددمنصوبوں کے ساتھ ساتھ سب سے اہم گوادر بین الاقوامی ہوائی اڈے پر تعمیراتی کا م کا آغاز ہوجائے گا۔ چین پاکستان اقتصادی راہداری سیکرٹریٹ کے حکام نے ’’ملت‘‘ کو بتایا کہ سی پیک کے تحت شاہراہوں کے منصوبوں پر تسلی بخش انداز میں کام جاری ہے، ٹرانسپورٹ انفراسٹرکچر منصوبوں کی تکمیل سے نہ صرف پاکستان بلکہ پورے خطے میں ترقی کی نئی راہیں کھلیں گی، سی پیک کے تحت ریلوے اپ گریڈیشن کا منصوبہ ملک میں جدید سفری سہولیات کو فروغ دے گا۔ انہوں نے بتایا کہ سی پیک کے تحت رواں سال بجلی اورانفراسٹرکچر کے متعدد منصوبوں کے ساتھ ساتھ سب سے اہم گوادر بین الاقوامی ہوائی اڈے پر تعمیراتی کا م کا آغاز ہوجائے گا، منصوبہ دو سے تین برسوں میں دوست ملک چین کی مدد سے مکمل کیا جائے گا، گوادر میں انٹرنیشنل ائرپورٹ، ایسٹ بے ایکسپریس وے اور آبنوشی کے منصوبے پر کام تیزی سے کام کیا جائے گا، گوادر ماسٹر پلان منصوبے کی تکمیل سے یہ شہر دنیا کے جدید شہر کے طور پر ابھر کر سامنے آئے گا۔ انہوں نے کہا کہ گوادر ہسپتال منصوبے کی تکمیل سے شہر کے عوام کو صحت کی جدید سہولیات میسر آئیں گی۔