خبرنامہ

اسلام آباد: (ملت+آئی این پی)صدر مملکت ممنون حسین کی جانب سے چیئرمین جوائنٹ چیف آف سٹاف کمیٹی کی ذمہ داریاں سنبھالنے جنرل زبیر محمود حیات کو مبارک باد دیتے ہوئے امید کا اظہار کیا ہے کہ ملک ان کی تجربے اور پیشہ ورانہ صلاحیتوں سے فائدہ اٹھائے گا۔وہ چیئرمین جوائنٹ چیف آف سٹاف کمیٹی جنرل زبیر محمود حیات کو ذمہ داریاں سنبھالنے کے بعد ملاقات کے دوران گفتگوکررہے تھے ۔صدر مملکت نے پاکستان کی مسلح افواج کی قربانیوں کو سراہتے ہوئے کہا کہ آپریشن ضربِ عضب سے دہشت گردی پر قابو پانے میں مدد ملی اور ملک میں امن وامان قائم ہوا۔ چیئرمین جوائنٹ چیف آف سٹاف کمیٹی جنرل زبیر محمود حیات نے صدر مملکت کا شکریہ ادا کیا اور کہا کہ پاکستان کی مسلح افواج اپنے مادرِوطن کی حفاظت کے لیے پوری طرح تیار ہے۔