خبرنامہ

اسلام آباد (ملت + آئی این پی) وزیراعظم محمد نوازشریف سے ترکمانستان کے صدر قربان علی بردی محمدوف نے ملاقات کی،وزیراعظم نے ای سی او اجلاس میں شرکت پر ترکمانستان کے صدر کا شکریہ ادا کیا۔بدھ کو وزیراعظم محمد نوازشریف سے ترکمانستان کے صدر قربان علی بردی نے ملاقات کی۔ترکمانستان کے صدر نے وزیراعظم محمد نوازشریف کو اجلاس کی کامیابی پر مبارکباد دی۔وزیراعظم نے ای سی او اجلاس میں شرکت پر ترکمانستان کے صدر کا شکریہ ادا کیا اور کہا کہ ای سی او اجلاس مستقبل کی ترقی کا راستہ متعین کرے گا،ترکمانستان کے ساتھ توانائی اور بنیادی ڈھانچے میں کام کرنے کے خواہشمند ہیں،تاپی گیس پائپ لائن منصوبے کی جلد تکمیل چاہتے ہیں۔