خبرنامہ

اسلام آباد(ملت + اے پی پی) وزیراعظم محمد نواز شریف نے ٹرانسفر آف ہیومن آرگن ٹرانسپلانٹ اتھارٹی کو فوری طور پر کیپٹل ایڈمنسٹریشن و ڈویلپمنٹ ڈویژن سے نیشنل ہیلتھ سروسز ریگولیشن و کوآرڈینیشن ڈویژن کو منتقل کر دیا ہے۔ رولز آف بزنس 1973ء کے رول 3 کی ذیلی شق 3 کے تحت یہ حکم جاری کیا گیا ہے۔ اس سلسلہ میں جمعہ کو جاری ہونے والے کابینہ ڈویژن کے میمورنڈم کے تحت ہیومن آرگن ٹرانسپلانٹ اتھارٹی رولز آف بزنس 1973ء کے تحت شیڈول 2 میں نیشنل ہیلتھ سروسز ریگولیشن و کوآرڈینیشن ڈویژن کے ماتحت ہو گی۔