خبرنامہ

پشاور۔28اکتوبر(ملت + اے پی پی )وزیراعظم محمد نواز شریف جمعہ کے روز کوہاٹ پہنچ گئے ٗ گورنر خیبر پختونخوا اقبال ظفر جھگڑا نے وزیراعظم کا استقبال کیا۔ اس موقع پر وفاقی وزیر شاہد خاقان عباسی ٗ مسلم لیگ (ن) کے رہنما سردارمہتاب احمد خان بھی وزیراعظم کے ہمراہ تھے ۔ مسلم لیگ (ن) کے صوبائی صدر صابر شاہ ٗ وزیراعظم کے مشیر انجینئر امیر مقام ٗ عباس آفریدی اور مسلم لیگ (ن) کے دیگر رہنما بھی اس موقع پر موجودتھے وزیراعظم نے دورہ کوہاٹ میں مختلف یونین کونسلوں کوگیس فراہمی منصوبوں کا سنگ بنیاد رکھ دیا ٗ یونین کونسلوں میں خوشحال گڑھ ٗ چور لکی ٗ اسر زئی ٗ شاہ پور ٗ علی زئی ٗ ڈھوڈا ٗ نصرت خیل اور شیر کوٹ شامل ہیں۔کوہاٹ کی ان یونین کونسلوں میں گیس فراہمی منصوبوں پر تین ارب 81کروڑ روپے کی لاگت آئے گی ٗ وزیراعظم جیسے ہی قلعہ گراؤنڈ جلسہ گاہ پہنچے وہاں پر مسلم لیگ (ن) کے رہنماؤں اور کارکنوں نے ان کا پرجوش استقبال کیا ٗ اس موقع پر مسلم لیگ (ن) کے کارکنوں نے مسلم لیگ (ن)اوروزیراعظم کے حق میں نعرے لگائے ۔