خبرنامہ

لاہور (ملت + اے پی پی) وزیراعظم محمد نوازشریف کی زیر صدارت گورنر ہاؤس لاہور میں وزیراعظم کے پائیدار ترقی پروگرام کے اہداف پر پیشرفت کا جائزہ لینے کیلئے اجلاس منعقد ہوا، اجلاس میں وزیراعظم کو مذکورہ پروگرام کے تحت ترقیاتی منصوبوں پر پیشرفت کے بارے میں بریفنگ دی گئی، اس موقع پر گورنر پنجاب ملک محمد رفیق رجوانہ ٗ وزیراعلی پنجاب محمد شہبازشریف ٗ مسلم لیگ (ن) کے رہنما حمزہ شہبازشریف ٗ وفاقی وزیر خزانہ اسحاق ڈار ٗ وزیر داخلہ چودھری نثار علی خاں ٗ وزیر پٹرولیم و قدرتی وسائل شاہد خاقان عباسی ٗ وزیر ریلوے خواجہ سعد رفیق ٗ وفاقی وزیر پلاننگ و ڈویلپمنٹ احسن اقبال ٗ شیخ آفتاب ٗ سینیٹر سعود مجید ٗ وزیراعظم کے پولیٹیکل سیکرٹری آصف کرمانی ٗ صوبائی وزیر قانون پنجاب رانا ثناء اللہ خان ٗ صوبائی وزیر ملک ندیم کامران ٗ مسلم لیگ (ن) لاہور کے صدر و رکن قومی اسمبلی پرویز ملک ٗ میئر لاہور کرنل (ر) مبشر جاوید ٗ چیف سیکرٹری پنجاب کیپٹن (ر) زاہد سعید بھی موجود تھے۔