خبرنامہ

وزیر اعظم:(ملت+اے پی پی) نواز شریف آج یعنی منگل کو 3روزہ سرکاری دورے پر بوسنیا ہرزو گونیا روانہ ہورہے ہیں۔ انہیں اس دورے کی دعوت چیئرمین آف کونسل آف سنٹرز وزیر اعظم ڈینس زوہروک نے دی ہے۔ وزیر اعظم کے ہمراہ ایک اعلی سطحی وفد بھی بوسنیا ہرزو گونیا جا رہا ہے۔ اپنے بوسنیائی ہم منصب کے علاوہ بوسنیائی ایوان صدر کے ارکان اور رہنمائوں سے بھی ملاقاتیں کریں گے۔ وزارت خارجہ کے ترجمان کی جانب سے جاری ایک بیان میں بوسنیا ہرزوگونیا میں وزیر اعظم کی مصروفیات کے حوالے سے بتایا گیا ہے کہ وہ بوسنیا کی پارلیمان کے دونوں ایوانوں کے ارکان سے بھی ملاقاتیں کریں گے۔