خبرنامہ

ٹیکنالوجی کا استعمال لازمی ہے، مریم اورنگزیب
اسلام آباد: (ملت آن لائن) وزیر مملکت اطلاعات و نشریات مریم اورنگزیب نے کہا ہے کہ پاکستان کی واحد پارلیمان ہے جہاں پائیدار ترقی کے اہداف کا سیکرٹریٹ قائم ہے، پائیدار ترقی کے اہداف کے حصول کیلئے صوبوں میں موثر رابطے،ٹیکنالوجی کا استعمال لازمی ہے، تعلیم اور صحت کیلئے بجٹ بڑھانے کے اقدامات کر رہے ہیں اور پائیدار ترقی کے ا ہداف کے حوالے سے رپورٹنگ کا عمل آسان بنا دیا گیا ہے، آبادی کے مسائل کے حوالے سے پارلیمنٹ جلد کانفرنس منعقد کریگی، ٹی وی، پارلیمنٹ کیلئے علیحدہ سے چینل کا آغاز کر رہا ہے جو صرف پارلیمانی امور اور سرگرمیوں کی کوریج کرے گا۔وہ جمعرات کو پائیدار ترقیاتی کے ا ہداف سے متعلق پارلیمنٹری ٹاسک فورس کے نالج شیئرنگ گول میز اجلاس سے خطاب کر رہی تھیں۔وزیر مملکت اطلاعات کی زیر صدارت ہونے والے اجلاس میں پنجاب، خیبرپختونخواہ ،بلوچستان سمیت گلگت بلتستان اور آزاد کشمیر کے ارکان اسمبلی نے شرکت کی۔اس موقع پر اجلاس سے خطاب کرتے ہوئے وزیر مملکت اطلاعات مریم اورنگزیب نے کہا کہ1999 میں ایم ڈی جیز مقرر ہو رہے تھے تب ملک میں آمریت تھی،آمریت میں آئین معطل رہا،اس کے بعد اکتوبر 2005 میں زلزلہ آیا،جس وقت ایم ڈی جیز بن رہے تھے تب کچھ ممالک کی جانب سے ہداف مقرر نہیں کیے گئے تھے،2010 میں اٹھارویں ترمیم آ گئی،اٹھارویں ترمیم کے بعد ایم ڈی جیز کے کئی مقاصد صوبوں کے پاس چلے گئے،ہم نے پاکستان میں تعلیم کو ہدف رکھ کر ترجیحا کام شروع کیا ،پارلیمنٹ نے سوچا پاکستان کو پارلیمنٹ ٹاسک فورس کی ضرورت ہے۔مریم اورنگزیب نے کہا کہ پارلیمنٹری ٹاسک فورس کے آغاز میں صرف 12 لوگ اس میں شامل تھے،آج 45 لوگ پارلیمنٹری ٹاسک فورس کا حصہ ہیں۔انہوں نے کہا کہ تعلیم اور صحت کے لیے بجٹ بڑھانے کے لیے اقدامات کر رہے ہیں،پائیدار ترقی کے ہداف کے حوالے سے رپورٹنگ کا عمل آسان بنا دیا گیا ہے،ایم ڈی جیز کے ہداف پورے نہ ہونے کی وجہ پارلیمان سے عدم وابستگی تھی،پہلی بار پائیدار ترقی کے ہداف کے لیے سیکرٹریٹ قائم کیا گیا،پارلیمنٹری ٹاسک فورس نے متحرک طور پر کردار ادا کیا،پائیدار ترقی ہداف کے حصول کے لیے صوبوں میں موثر رابطے کے لیے ٹیکنالوجی کا استعمال لازمی ہے،آبادی کے مسائل کے حوالے سے ہم جلد کانفرنس منعقد کریں گے،آبادی کے حوالے سے پہلی کانفرنس ہو گی جو پارلیمنٹ کرائے گی۔مریم اورنگزیب نے کہا کہ پی ٹی وی پارلیمنٹ کے لیے علیحدہ سے چینل کا آغاز کر رہا ہے،پی ٹی وی پارلیمنٹ صرف پارلیمانی امور اور سرگرمیوں کی کوریج کرے گا،یہ چینل پارلیمانی امور سے متعلق مزید آگاہی پیدا کرنے میں موثر کردار ادا کرے گا۔پاکستان کی واحد پارلیمان ہے جہاں پائیدار ترقی کے ہداف کا سیکرٹریٹ قائم ہے۔(رڈ)