خبرنامہ

نئی دہلی (ملت آن لائن + آئی این پی) بھارت میں تعینات پاکستانی ہائی کمشنر عبدالباسط نے کہا ہے کہ پاکستان دہشت گردی کا شکار ملک ہے جس سے ملک کا بڑا نقصان ہوا ہے ،پاکستان اپنی سرزمین دہشت گردی کیلئے استعمال نہیں ہونے دے گا،بھارت نے جموں وکشمیر کا مسئلہ خود تسلیم کیا ہے کہ یہ حل طلب ہے ۔جمعرات کو بھارتی ٹی وی کو انٹرویو دیتے ہوئے عبدالباسط نے کہا کہ پاکستان خود دہشت گردی کا شکار ہے جس میں پاکستان کا بڑا نقصان ہوا ہے ،پاکستان اپنی سرزمین دہشت گردی کیلئے استعمال نہیں ہونے دے گا،بھارت کے مذاکرات نہ کرنے سے منفی طاقتوں کو فائدہ ہو رہا ہے ۔انہوں نے کہا کہ حریت رہنماؤں اور کشمیری عوام سے بات کرنا ضروری ہے ،بھارت نے جموں وکشمیر کامسئلہ خود تسلیم کیا کہ یہ حل طلب ہے ۔