خبرنامہ

اسلام آباد ۔(ملت آن لائن) وزات منصوبہ بندی ،ترقی واصلاحات نے سرکاری شعبہ کے ترقیاتی پروگرام کے تحت ایوی ایشن ڈویژن کے ترقیاتی کاموں کے لئے20 کروڑ روپے کے فنڈز جاری کردیئے ہیں، حکومت نے اس ڈویژن کے ترقیاتی کاموں کے لئے رواں مالی سال میں 4 ارب 67کروڑ روپے کے فنڈز مختص کئے ہیں۔پلاننگ کمیشن کی طرف سے جاری کردہ اعداد وشمار کے مطابق حکومت نے بنوں ایئرپورٹ کی اپ گریڈیشن کے لئے 50لاکھ، ترکی اور پاکستان کے درمیان میٹرولوجیکل ڈیپارٹمنٹ کے لئے 63 لاکھ، کراچی میں موسمی پیش گوئی کے حوالے سے ریڈار کی تنصیب کے لئے 30 لاکھ، نیو اسلام آباد انٹرنیشنل ایئرپورٹ میں اے ایس ایف سکیورٹی کے لئے رہائشی منصوبوں کے لئے 17 کروڑ 19 لاکھ روپے سمیت مختلف ترقیاتی منصوبوں کے لئے فنڈز جاری کردیئے ہیں۔