خبرنامہ پاکستان

اسلام آباد (ملت + آئی این پی) عوامی راج پارٹی کے سربراہ و رکن قومی اسمبلی جمشید دستی نے کہا ہے کہ دہشتگردوں کی مالی معاونت کرنے والے جو پہلے باہر بھاگ رہے تھے،اب واپس آرہے ہیں،(ن) لیگ اور پیپلزپارٹی میں کرپشن پر مک مکا ہے،عدلیہ نے اگر پانامہ کیس میں وزیراعظم نوازشریف کو چھوڑ دیا تو عوام کبھی معاف نہیں کرے گی۔وہ پیر کو پارلیمنٹ ہاؤس کے باہر میڈیا سے گفتگو کر رہے تھے۔انہوں نے کہاکہ اگر عام انتخابات میں دھاندلی نہ ہو تو مسلم لیگ (ن) نشان عبرت بن جاتے،پنجاب میں کوئی بھی (ن) لیگ کو ووٹ دینے کیلئے تیار نہیں۔انہوں نے کہا کہ جنرل راحیل شریف کے دور میں دہشتگردوں کے جو مالی مددگار باہر بھاگ رہے تھے،اب وآپس آرہے ہیں،قوم جانتی ہے کرپشن کے معاملے پر (ن) لیگ اور پیپلزپارٹیمیں کرپشن کے معاملے پر مک مکا ہے،شرجیل میمن کے معاملے پر آئی ایس پی آر کو اپنی پوزیشن کلیئر کرنی چاہیے۔جمشید دستی نے کہا کہ عدلیہ کے پاس سنہری موقع ہے،پانامہ کیس میں اگر وزیراعظم نوازشریف کو چھوڑ دیا گیا تو قوم کبھی عدلیہ کو معاف نہیں کرے گی۔۔۔۔(خ م+ار)