خبرنامہ پاکستان

اسلام آباد (آئی این پی) وزیراعظم کے مشیر برائے ریونیو ہارون اختر خان نے کہا ہے کہ حکومت جمہوریت کے تقاضے پورے کررہی ہے اور ملک کو درپیش تمام چیلنجز سے نمٹنے کے لئے اقدامات اٹھا رہی ہے‘ پاکستان میں جمہوریت کا مستقبل تابناک ہے اور وقت کے ساتھ ساتھ جمہوریتی مضبوط ہوگی۔ پیر کو پارلیمنٹ ہاؤس کے باہر میڈیا سے گفتگو کرتے ہوئے پاکستان مسلم لیگ (ن) کے رہنما اور وزیراعظم کے مشیر برائے ریونیو ہارون اختر خان نے کہا ہے کہ موجودہ حکومت جمہوریت کے تقاضے پورے کررہی ہے اور ملک کو درپیش تمام چیلنجز سے نمٹنے کے لئے اقدامات اٹھا رہی ہے۔ جمہوری سسٹم بہتر ہورہا ہے اور وقت کے ساتھ ساتھ مضبوط ہوتا جائے گا پاکستان میں جمہوریت کا مستقبل روشن ہے۔ ایک سوال کے جواب میں انہوں نے کہا کہ آرٹیکل 6 کو بالکل ختم نہیں ہونا چاہئے اس کو ایک مقصد کے تحت آئین میں رکھا گیا ہے مختلف کیسوں کے حوالے سے آرٹیکل 6 کی تشریح کا حق عدالتوں کو حاصل ہے۔ (ن غ/ و خ)