خبرنامہ پاکستان

اسلام آباد:(آئی این پی )پاکستانی جھنڈا کسی سیاسی جماعت کیلیے استعمال نہیں ہو سکتا۔ وزارت داخلہ ذرائع کے مطابق1957 اور 1964 میں بنائے گئے قواعدمیں قومی پرچم کے تقدس اور احترام کوقانونی حیثیت دی گئی۔ پاکستانی پرچم کو کسی ادارے کے ٹریڈ مارک یاڈیزائن کے طور پراستعمال نہیں کیاجاسکتا۔ قومی پرچم کو23 مارچ، 14اگست اور25 دسمبریاگزیٹڈ قومی دن پر ہی پرائیویٹ عمارتوں پرلہرایاجاسکتاہے۔ صدر، وزیر اعظم، گورنرز، وزرا، چیئرمین سینیٹ، اسپیکر اور چیف الیکشن کمشنرکی رہائش گاہوں اورگاڑیوں پرعام دنوں میں جھنڈا لہرایاجاسکتاہے۔ قواعد کے تحت عام دنوں میں صرف پارلیمنٹ، صوبائی اسمبلیوں، عدالتوں سمیت سرکاری عمارتوںپرہی پرچم لہرایاجا سکتاہے۔