پرویزمشرف کو پارٹی صدارت سےہٹانے کیلئے درخواست دائر
لاہور:(ملت آن لائن) آل پاکستان مسلم لیگ کے سربراہ پرویزمشرف کو پارٹی صدارت سے ہٹانے کیلئے درخواست دائر کردی گئی ، جس استدعا کی گئی ہے کہ پولیٹیکل پارٹیز آرڈر کے تحت نااہل شخص پارٹی صدر نہیں بن سکتا، عدالت پرویز مشرف کو پارٹی صدارت کے لیے نا اہل قرار دے۔ وزیر اعظم نواز شریف کی پارٹی صدارت سے نااہلی کے بعد لاہور ہائیکورٹ میں آل پاکستان مسلم لیگ کے سربراہ پرویزمشرف کو پارٹی صدارت سے ہٹانے کیلئے درخواست دائر کردی گئی۔ درخواست میں مؤقف اختیار کیا گیا ہے کہ آرٹیکل 62،63کےتحت مشرف کو2013کےالیکشن میں نا اہل قراردیاگیا، پولیٹیکل پارٹیزآرڈرکےتحت نااہل شخص پارٹی صدرنہیں بن سکتا۔ درخواست گزار کا کہنا تھا کہ سپریم کورٹ نوازشریف کوبھی پارٹی صدارت سے نا اہل کر چکی ہے۔ درخواست میں استدعا کی گئی کہ عدالت پرویز مشرف کو پارٹی صدارت کے لیے نا اہل قرار دے جبکہ آل پاکستان مسلم لیگ کے تمام ممبران اسمبلی کوبھی نا اہل قرار دیا جائے۔ جس کے بعد عدالت نے درخواست گزار کو پرویز مشرف کی نااہلی کا عدالتی حکم جمع کرانے کی ہدایت کرتے ہوئے کہا کہ کسی عدالت نے مشرف کو نااہل کیا ہے تو حکم کی کاپی پیش کی جائے۔
انتخابی اصلاحات کیس: نوازشریف پارٹی صدارت کے لئے نااہل قرار
یاد رہے گذشتہ ہفتے سپریم کورٹ میں انتخابی اصلاحات کیس کا فیصلہ سناتے ہوئے پولیٹیکل پارٹیز ایکٹ2017 کی شق203 میں ترمیم کالعدم قرار دے دی تھی ، فیصلے میں کہا گیا تھا کہ نااہل شخص پارٹی کا سربراہ نہیں بن سکتا اور اٹھائیس جولائی کے بعد نوازشریف کے کیے گئے فیصلے کالعدم تصور کیے جائیں۔ فیصلے کے بعد سابق وزیر اعظم نوازشریف پارٹی صدارت سے نااہل قرار ہوگئے تھے۔