اسماء کی میڈیکل رپورٹ جنسی تشدد کا بھی اشارہ کرتی ہے، آئی جی پختونخوا
پشاور: (ملت آن لائن) آئی جی خیبر پختونخوا صلاح الدین محسود نے کہا ہے کہ میڈیکل رپورٹ میں بچی کی موت گلے دبانے سے ہونے کا انکشاف ہوا ہے جبکہ جنسی زیادتی کا بھی اشارہ ملا ہے۔
آئی جی صلاح الدین محسود کا میڈیا نمائندوں کو بریفنگ دیتے ہوئے کہنا تھا کہ مرادن میں قتل کی گئی 4 سالہ اسماء کی ایف ایس ایل رپورٹ کا انتظار ہے جبکہ ڈی این اے سمیت دیگر چیزیں شواہد اکھٹے کئے گئے ہیں۔ کیس کی مزید تفصیلات دینا مناسب نہیں ہو گا۔ جلد از جلد اندھے قتل کا سراغ لگایا جائے گا۔ ڈی پی او اور آر پی او کو سخت ہدایت جاری کر دی ہے۔
مردان میں 4 سالہ بچی کے قتل کا کیس، میڈیکل رپورٹ میں بچی سے زیادتی ثابت
صلاح الدین محسود نے بتایا کہ14 تاریخ کی شام کو آنے والی میڈیکل رپورٹ میں بچی کی موت گلے دبانے سے ہونے کا انکشاف ہوا جبکہ میڈیکل رپورٹ جنسی تشدد کا بھی اشارہ کرتی ہے۔ ان کا کہنا تھا کہ کیس کی تفتیش کے لئے کمیٹی میں ڈی آر سی اور مختلف سیاسی پارٹیوں کے افراد بھی شامل ہیں۔