خبرنامہ پاکستان

لاہور (آئی این پی)وفاقی وزیر برائے دفاعی پیداوار رانا تنویرحسین نے کہا ہے کہ نیب سے متعلق وزیراعظم کے بیان کو سیاق و سباق سے ہٹ کر پیش کیا گیا،نیب کا ادارہ اب بھی اسی طرح کام کر رہا ہے جیسا پرویز مشرف نے بنایا،نیب میں بہتری ہونی چاہیے۔وہ پیر کو یہاں میڈیا سے گفتگو کر رہے تھے۔ انہوں نے کہا کہ بدعنوانی کی روک تھام کیلئے ادارے اپنا کام کر رہے ہیں۔ نیب اپنا کام خوس اسلوبی سے کر رہا ہے لیکن مزید بہتری کی ضرورت ہے، اداروں پر بے جا تنقید نہ کی جائے،مثبت تجاویز کا خیر مقدم کریں گے۔ رانا تنویر حسین نے کہا کہ پیپلز پارٹی کی تنقید چور کی داڑھی میں تنکے کے مترادف ہے،میگا پراجیکٹس کا تعلق جس مرضی جماعت سے بھی ہو، احتساب ہونا چاہیے، اگر رانا مشہود سے متعلق کوئی بات ہے تو سامنے آ جائے گی، پیپلز پارٹی کی تنقید سے وزیرداخلہ چوہدری نثار کے کام میں کوئی فرق نہیں پڑے گا۔ انہوں نے کہا کہ نیب سے متعلق وزیراعظم کے بیان کو سیاق و سباق سے ہٹ کر پیش کیا گیا،نیب کا ادارہ اب بھی اسی طرح کام کر رہا ہے،جیسا پرویز مشرف نے بنایا،نیب میں بہتری ہونی چاہیے۔(اح)