اسلام آباد(ملت آن لائن)وزیرداخلہ چوہدری نثار کاچیف آف جنرل اسٹاف لیفٹیننٹ جنرل بلال اکبر،ڈی جی رینجرز سندھ میجر جنرل محمد سعید اورآئی جی ایف سی بلوچستان میجرجنرل ندیم احمد انجم سے ٹیلی فونک رابطہ ہوا ہے۔
گفتگو کے دوران وزیرداخلہ کا کہناتھا کہ افغانستان میں کسی بھی واقعے کو بغیر تحقیقات پاکستان سے جوڑنا تشویشناک ہے۔ دہشت گردی روکنےکے لیے اپنی سرحدوں کی موثر نگرانی اور حفاظت مزید بہتر کی جائے۔
چوہدری نثار کا کہنا ہے کہ دہشت گردی کا مقصد بے یقینی کی کیفیت پیدا کرنا ہےاورایسی بزدلانہ کارروائیوں سے قوم کا حوصلہ اور عزم متاثر نہیں ہوسکتا۔
چوہدری نثار نی کہا کہ سرحدکے راستے پاکستان آنے والی دہشت گردی کا مغرب میں نوٹس تک نہیں لیا جاتا۔
ان کا یہ بھی کہنا تھا وزارت داخلہ کے متعلقہ حکومتوں کو سیکورٹی الرٹ اور پیشگی معلومات فراہم کرنے کے باوجود بھی دہشت گردی کے واقعات ہوتے ہیںجبکہ پارا چنار میں دہشت گرد کارروائی سے متعلق 2 الرٹ متعلقہ حکام کو بھجوائے گئے ۔
پشاور کے نواحی علاقے میں بم بنانے کی فیکٹری پکڑی گئی
الرٹ میں واضح طور پر پارا چنار کی نشاندہی کی گئی تاہم ان اطلاعات کے باوجود بھی موثر حفاظتی اقدامات کیوں نہیں اٹھائے گئے۔