پانامہ لیکس

بچہ پاکستان کیلئے قربان ہوا، کیپٹن صفدر کی منطق

بچہ پاکستان کیلئے قربان ہوا، کیپٹن صفدر کی منطق
August 11, 2017 6:38 pm

لالہ موسیٰ(ملت آن لائن)جہلم سے لاہور جانے والی ریلی میں نوازشریف کے قافلے میں شامل ایلیٹ فورس کی گاڑی نے 12 سالہ بچے کو کچل ڈالا۔

وزیراعظم کے منصب سے نااہل ہونے والے نوازشریف کی ریلی اب گجرات پہنچ چکی ہے اور ان کے قافلے میں شامل درجنوں گاڑیوں نے اپنے قائد کو گھیرے میں لے رکھا ہے۔ لالہ موسی کے قریب نوازشریف کے قافلے میں شامل ایلیٹ فورس کی گاڑی نے ایک 12 سالہ بچے کو کچل ڈالا جس کے نتیجے میں بچے کی ہلاکت واقع ہوگئی۔

عینی شاہدین کا کہنا ہے کہ 12 سالہ حامد سڑک کنارے کھڑا تھا کہ نوازشریف کے اسکواڈ میں شامل ایلیٹ فورس کی گاڑی نے اسے ٹکر مار دی اور برق رفتاری سے آگے کی جانب نکل گئی جب کہ قافلے میں شامل کسی بھی گاڑی یا اہلکار نے بچے کو اٹھانے کی زحمت گوارہ نہیں کی۔ عوام نے اپنی مدد آپ کے تحت بچے کو قریبی اسپتال پہنچایا تاہم وہ جانبر نہ ہوسکا۔ واقعے کے بعد بچے کی والدہ بے ہوش ہے جب کہ والد کو دل کا دورہ پڑ گیا ہے۔

دوسری جانب مسلم لیگ (ن) کے رہنما اور نواز شریف کے داماد کیپٹن (ر) صفدر نے واقعے پر بیان دیتے ہوئے کہا کہ نواز شریف کی ریلی پاکستان بچانے کی ریلی ہے اور پاکستان کے لیے لاکھوں انسانوں نے اپنی جانوں کی قربانی دی۔ یہ بچہ بھی پاکستان کے لیے قربان ہوا ہے۔ اللہ اس کے درجات بلند کرے۔

نوازشریف ہر تقریر میں توہین عدالت کررہے ہیں، بلاول
August 11, 2017 9:00 pm

اسلام آباد(ملت آن لائن) پاکستان پیپلز پارٹی کے چیئرمین بلاول بھٹو زرداری نے کہا ہے کہ سابق وزیراعظم نواز شریف ہر تقریر میں توہین عدالت کررہے ہیں، ایسا لگتا ہے کہ توہین عدالت صرف پیپلز پارٹی پر لگتی ہے۔

اسلام آباد میں میڈیا سے گفتگو کرتے ہوئے انہوں نے کہا کہ اس وقت جمہوریت کو کوئی خطرہ نہیں، نواز شریف صرف خود کو بچاناچاہتے ہیں، اگلی بار حکومت پھر آصف زرداری کی ہوگی۔

انہوں نے کہا کہ نوازشریف اپنی الوداعی ریلی نکال رہے ہیں جس کا انہیں کوئی فائدہ نہیں ہوگا۔

بلاول نے کہا کہ نواز شریف کی کوئی آئیڈیولوجی نہیں ہے، وہ صرف اپنے آپ کو بچانا چاہتے ہیں، ان کی ذات اور جمہوریت کا کوئی تعلق نہیں، اس وقت جمہوریت اور سسٹم کو کوئی خطرہ نہیں ہے۔

ان کا کہنا تھا کہ پی پی پی نے پمیشہ جمہوریت کی مدد کی ہے، مسلم لیگ نواز کی نہیں۔

بلاول کا مزید کہنا تھا کہ لوگوں کے لاپتا ہونے کی سخت الفاظ میں مذمت کرتا ہوں، لاپتا افراد کے حوالے سےسندھ حکومت سے بھی سوال کررہا ہوں۔
اسلام آباد میں میڈیا سے گفتگو کرتے ہوئے انہوں نے کہا کہ اس وقت جمہوریت کو کوئی خطرہ نہیں، نواز شریف صرف خود کو بچاناچاہتے ہیں، اگلی بار حکومت پھر آصف زرداری کی ہوگی۔

انہوں نے کہا کہ نوازشریف اپنی الوداعی ریلی نکال رہے ہیں جس کا انہیں کوئی فائدہ نہیں ہوگا۔

بلاول نے کہا کہ نواز شریف کی کوئی آئیڈیولوجی نہیں ہے، وہ صرف اپنے آپ کو بچانا چاہتے ہیں، ان کی ذات اور جمہوریت کا کوئی تعلق نہیں، اس وقت جمہوریت اور سسٹم کو کوئی خطرہ نہیں ہے۔

ان کا کہنا تھا کہ پی پی پی نے پمیشہ جمہوریت کی مدد کی ہے، مسلم لیگ نواز کی نہیں۔

بلاول کا مزید کہنا تھا کہ لوگوں کے لاپتا ہونے کی سخت الفاظ میں مذمت کرتا ہوں، لاپتا افراد کے حوالے سےسندھ حکومت سے بھی سوال کررہا ہوں۔