پانامہ لیکس

اسلام آباد(ملت آن لائن ) وزیراعظم نواز شریف نے قطری شہزادے کو جے آئی ٹی کے سامنے بیان ریکارڈ کرانے پر راضی کرنے کا ٹاسک اپنی صاحبزادی مریم نواز اور پرانے دوست سیف الرحمن کو سونپ دیا ہے۔
نجی نیوز چینل کے مطابق مریم نواز چند دنوں میں قطر کا دورہ کریں گی اور قطری شہزادہ حماد بن جاسم الثانی کو پاکستان آنے یا قطر میں جے آئی ٹی ممبران کو بیان ریکارڈ کرانے پر راضی کرنے کی کوشش کریں گی۔نواز شریف نے اپنے قریبی دوست سیف الرحمن کو بھی مریم نواز کی مدد کرنے کا پیغام بھیجا ہے۔اعلیٰ حکومتی ذرائع نے بتایا ہے کہ قطری شہزادے کے جے آئی ٹی کے سامنے بیان ریکارڈ کرانے پر راضی کرنے کے لیے مریم نواز اور سیف الرحمن قطری حکمرانوں سے تعلقات سے بھی استفادہ کریں گے۔