حکومت ختم نبوت پر غیرمتزلزل ایمان رکھتی ہے، شہبازشریف
لاہور(ملت آن لائن)وزیراعلیٰ پنجاب شہبازشریف کا کہنا ہےکہ پاکستان مسلم لیگ(ن) کی حکومت ختم نبوت کے عقیدے پر غیر متزلزل ایمان رکھتی ہے۔
لاہور میں وفاقی وزیر قانون زاہد حامد نے وزیراعلیٰ پنجاب شہبازشریف سے ملاقات کی جس میں انتخابی اصلاحات بل کے معاملے پر پیش آنے والی صورتحال سمیت سیاسی صورتحال پر بھی تبادلہ خیال کیا گیا۔
اس موقع پر شہبازشریف کا کہنا تھا کہ وفاقی حکومت نے ختم نبوت کے حلف نامے کے قانون کو اصل شکل میں بحال کرنے کے لیے فوری ایکشن لیا، ختم نبوت کے حلف نامے کے قانون کو اصل حالت میں بحال کرنے پر حکومت کے مشکور ہیں۔
شہبازشریف نے کہا کہ مسلم لیگ ( ن) کی حکومت ختم نبوتؐ کے عقیدے پر غیر متزلزل ایمان رکھتی ہے۔
پاکستان تحریک انصاف کے رہنما شاہ محمود قریشی نے کاغذات نامزدگی میں شامل حلف نامے میں ترمیم سے متعلق کہا کہ اس المناک غلطی نے پورے ملک میں ہلچل مچا دی، سوال یہ ہے کہ اس کا ذمےدار کون ہے جس کا تعین ہونا چاہیے۔
قومی اسمبلی میں اظہار خیال کرتے ہوئے انہوں نے کہا کہ کوئی وزیر یا ذمہ دار اس کی ذمہ داری لینے کے لیے تیار نہیں۔
انہوں نے کہا کہ حکومتی وزیر اکرم درانی نے نواز شریف اور شہباز شریف کو مخاطب کرکے کہا کہ فوری طور پر ہم ذمہ دار کی نشاندہی چاہتے ہیں۔
پاکستان تحریک انصاف کے رہنما شاہ محمود قریشی نے کاغذات نامزدگی میں شامل حلف نامے میں ترمیم سے متعلق کہا کہ اس المناک غلطی نے پورے ملک میں ہلچل مچا دی، سوال یہ ہے کہ اس کا ذمےدار کون ہے جس کا تعین ہونا چاہیے۔
قومی اسمبلی میں اظہار خیال کرتے ہوئے انہوں نے کہا کہ کوئی وزیر یا ذمہ دار اس کی ذمہ داری لینے کے لیے تیار نہیں۔
انہوں نے کہا کہ حکومتی وزیر اکرم درانی نے نواز شریف اور شہباز شریف کو مخاطب کرکے کہا کہ فوری طور پر ہم ذمہ دار کی نشاندہی چاہتے ہیں۔