پنجاب حکومت

خادم پنجاب ’’صاف دیہات‘‘ خصوصی مہم شروع کی جارہی ہے‘ سائرہ عمر
قصور۔:(ملت آن لائن)ڈپٹی کمشنرقصور سائرہ عمرنے کہاہے کہ خادم پنجاب صاف دیہات پروگرام کے تحت یونین کونسل کی سطح پر صفائی کی خصوصی مہم شروع کی جارہی ہے‘ پروگرام کو بھرپور اندازمیں کامیاب بنانے کے لئے گاؤں کی سطح پر ایک کمیٹی تشکیل دی جائے گی‘متعلقہ تحصیل کے اسسٹنٹ کمشنرز‘ڈپٹی ڈائریکٹرلوکل گورنمنٹ اورمتعلقہ ریونیو افسر’’ پنجاب صاف دیہات پروگرام‘‘ کی مانیٹرنگ کرینگے۔ ان خیالات کا اظہارانہوں نے اپنے آفس میں خصو صی گفتگوکرتے ہوئے کیا۔ انہوں نے کہا کہ صفائی نصف ایمان ہے اور صاف ستھرے اورصحتمند معاشرے کی ضامن ہے ‘ضلع قصورمیں خادم پنجاب صاف دیہات پروگرام کے تحت یونین کونسل کی سطح پر صفائی کی خصوصی مہم شروع کی جارہی ہے۔ انہوں نے مزیدکہا کہ پنجاب حکومت مستقبل میں کوڑے سے پاک پنجاب کے خواب کی تعبیرکیلئے کوشاں ہے اور یہ پرسوگرام بھی انہی کاوشوں کی ایک کڑی ہے، شہروں کی طرح گاؤں کو بھی صاف ستھرا بناناہماری ذمہ داری ہے اور اسی مقصد کے پیش نظر’’خادم پنجاب صاف دیہات پروگرام‘‘ کے تحت یونین کونسل کی سطح پر گاؤں میں صفائی کا نظام لایاجارہاہے۔