پنجاب حکومت

دیہی علاقوں پرخصوصی توجہ دے رہے ہیں: حمزہ شہباز
لاہور:(ملت آن لائن) حمزہ شہباز شریف نے سرکٹ ہاؤس ملتان میں ہونیوالے ضلع کونسل کے اجلاس کی ویڈیو لنک کے ذریعے صدارت کی اور دیہی علاقوں میں صفائی مہم اور ترقیاتی منصوبوں کا جائزہ لیا۔ اس موقع پر حمزہ شہباز شریف نے ڈپٹی کمشنر نادر چھٹہ اور ضلع کونسل کے چئیرمین کو ہدایات جاری کیں کہ دیہی علاقوں میں 20 دسمبر تک صفائی مہم چلاتے ہوئے کوڑا کرکٹ اٹھائیں اور ضلع کونسل کے علاقے مثالی بنائیں۔ اس موقع پر حمزہ شہباز کا کہنا تھا کہ حکومت دیہی علاقوں کی اپ گریڈیشن پر خصوصی توجہ دے رہی ہے، اراکین اسمبلی اور ڈپٹی کمشنر صفائی مہم کی خود نگرانی کرتے ہوئے شہریوں کے مسائل حل کریں۔