پنجاب حکومت

لاہور۔11 نومبر(ملت + اے پی پی) پاکستان مسلم لیگ(ن)کے مرکزی رہنما وکوارڈئینیٹروزیر اعلیٰ پنجاب رانا مبشر اقبال نے کہا ہے کہ وزیر اعظم محمد نواز شریف کی قیادت میں ملک مسلسل ترقی کی جانب بڑھ رہا ہے ،ملک میں گیس اور بجلی کی کمی کو پورا کیا جا رہا ہے، نئے سکول کالج اور ہسپتال بنائے جا رہے ہیں ،فیکٹریاں ،کارخانے اور سڑکیں بننے سے لوگوں کو روزگار کے مواقع میسر آرہے ہیں،پنجاب میں سازگار کاروباری ماحول کے بہترین اور وافر مواقع میسر ہیں،سی پیک تمام ممکنہ مراکز کی لاجسٹک کا نیٹ ورک ثابت ہوگا، پوٹینشل سیکٹرز، لائٹ انڈسٹریز، الیکٹرانک، ٹیکسٹائل، کیمیکلز انڈسٹری، انفارمیشن ٹیکنالوجی، منرلز، آٹو موٹو انڈسٹریز اور انفراسٹرکچر سیکٹر مذکورہ راہداری منصوبے سے بھرپور فائدہ اٹھا سکیں گے،لیگی رہنماؤں حاجی بشارت علی،سجاد علی شاکر نے کہا کہ سی پیک ملک چین کے ساتھ تعلیمی، برادرانہ اور باہمی ثقافتی تعلقات کو آگے بڑھانے کا ایک بہترین راستہ ہے، سی پیک نیٹ ورک پراجیکٹ کے ذریعے سے دونوں اطراف پر باہمی مواقع میسر ہونگے۔انہوں نے کہا کہ دھاندلی کا الزام عائد کرنے والے ترقی کی راہ میں رخنہ ڈالنے کی کوشش کرتے رہے لیکن وزیراعظم محمد نواز شریف نے ملک کو ترقی کی شاہراہ پر گامزن کیا ہے۔ روشن پاکستان کی منزل کیلئے نواز شریف کی قیادت ضروری ہے ، عوام ترقی دشمنوں کو ان کے مقاصد میں کامیاب نہیں ہونے دیں گے ، ملک سے اندھیروں کے خاتمہ کیلئے مسلم لیگ ن کی حکومت دن رات کوشاں ہے ۔بعض لوگوں کو سیاسی تربیت کی اشد ضرورت ہے ، انہیں وطن عزیز میں ہونے والی ترقی کے منصوبے کانٹے کی طرح کھٹک رہے ہیں ملک میں ترقی وخوشحالی کی بنیاد رکھ دی گئی ہے ۔