پنجاب حکومت

لاہور(آئی این پی )وزیراعلیٰ پنجاب شہباز شریف نے کہا ہے کہ سی پیک پاکستان کے عظیم دوست چین کا پاکستانی عوام کیلئے عظیم تحفہ ہے جب کہ اورنج لائن میٹرو ٹرین کے منصوبے کے لیے فنڈنگ چینی حکومت نے فراہم کی ہے۔ وزیراعلیٰ پنجاب شہبازشریف سے چین کے صوبے ننگشیا کے نائب گورنروانگ ہیشان کی قیادت میں اعلیٰ سطح کے وفد نے ملاقات کی جس میں پنجاب حکومت اور چینی صوبے ننگشیا کے مابین زراعت، صنعت، تعلیم، صحت اور سیاحت کے شعبوں میں تعاون کو فروغ دینے پر اتفاق کیا گیا۔ اس موقع پر شہباز شریف کا کہنا تھا کہ سی پیک پاکستان کے عظیم دوست چین کا پاکستانی عوام کیلئے عظیم تحفہ ہے اور چین کے صدر کا ’’ون بیلٹ ون روڈ‘‘ کا ویڑن ایشیا میں امن، ترقی اور خوشحالی کا ویڑن ہے جس سے پورے خطے میں خوشحالی اور ترقی کا نیا دور شروع ہوگا۔شہبازشریف نے کہا کہ پنجاب حکومت نے صوبے کی تیز رفتار ترقی اور عوام کی خوشحالی کیلیے ٹھوس اقدامات کیے ہیں اور پنجاب حکومت صوبے میں انفراسٹرکچر کو عالمی معیار کے مطابق بنا رہی ہے جب کہ اورنج لائن میٹرو ٹرین کے منصوبے کے لیے فنڈنگ چینی حکومت نے فراہم کی ہے۔