پنجاب حکومت

پنجاب: (ملت+اے پی پی) کےوزیراعلیٰ محمدشہبازشریف نے لائن آف کنٹرول پربھارتی فائرنگ سےشہید ہونے والےپاک فوج کےجوانوں کی بہادری اور جرات کو خراجِ عقیدت پیش کیاہے اور کہاہےکہ قوم کوشہداءکی عظیم قربانیوں پر فخر ہے۔ بیان میں وزیراعلیٰ پنجاب نے کہاکہ پاکستان کی بہادر افواج نے وطن کی حفاظت کیلئے قیمتی جانوں کے نذرانے پیش کئے ہیں،مادر وطن کی حفاظت کیلئے اپنا آج قربان کرنے والے قوم کے ہیرو ہیں۔ ان کاکہناتھاکہ ہمارا ایمان ہے کہ شہداء ہمیشہ زندہ رہتے ہیں،جبکہ شہید ہونے والے پاک فوج کے یہ بہادر سپوت عوام کے دلوں میں بھی ہمیشہ زندہ رہیں گے۔