پنجاب حکومت

لاہور ہائیکورٹ کا وزارت پٹرولیم اوراوگرا سے جواب طلب
لاہور: (ملت آن لائن) لاہور ہائیکورٹ کے جسٹس شاہد جمیل خان نے ایل پی جی کی قیمتوں میں اضافے کیخلاف اور مشترکہ مفادات کونسل کی جانب سے طے کی جانے والے قیمتوں پر عمل درآمدنہ کرنے پر وزارت پٹرولیم اوراوگرا سے جواب طلب کر لیا۔ دوران سماعت ایم ڈی پاکستان پٹرولیم لمیٹڈ واثق بخاری نے عدالت میں غیر مشروط معافی مانگ لی ۔جس پر عدالت نے ریمارکس دیتے ہوئے کہا ہے کہ کوئی افسر جتنا بھی بڑا ہو عدلیہ سے بڑا نہیں ہوتا، عدالتی احکامات پر عمل درآمد نہ کرنے کا کوئی جواز نہیں دیا جا سکتا۔عدالت نے ایم ڈی کی معافی منظور کرتے ہوئے آئندہ محتاط رہنے کی ہدایت کی۔پاکستان پٹرولیم لمیٹڈ کے وکیل مصطفی رمدے نے کہا کہ ایل پی جی کی قیمتوں کا تعین کرنا اوگرا کا اختیار ہے، اوگرا کی جانب سے قیمتیں مقرر کرنے کے بعد عمل درآمد کر دیا جائے گا۔ جس پر عدالت نے وزارت پٹرولیم اوراوگرا سے جواب طلب کر لیا۔