پنجاب حکومت

چیف جسٹس لاہور ہائی کورٹ کی لارڈ چیف جسٹس آف انگلینڈ اینڈ ویلز سے ملاقات
لاہور:(ملت آن لائن) چیف جسٹس لاہور ہائی کورٹ جسٹس سید منصور علی شاہ نے انگلینڈ اینڈ ویلز کے لارڈ چیف جسٹس لارڈ آف برنیٹ سے ملاقات کی۔ دونوں عدالتی سربراہان نے باہمی دلچسپی کے امور پر بات چیت کی۔ چیف جسٹس لاہور ہائی کورٹ نے انہیں پنجاب کی عدلیہ میں جاری اصلاحات کے حوالے سے بتایا۔ فاضل چیف ججز نے پنجاب اور انگلینڈ کی عوام کیلئے انصاف کی معیاری فراہمی کیلئے رابطے بڑھانے پر اتفاق کیا۔ چیف جسٹس لاہور ہائی کورٹ نے لارڈ چیف جسٹس کو پنجاب کے عدالتی وفد کے دورہ برطانیہ کی اہمیت کے بارے میں بھی بتایا، انہوں نے کہا کہ پنجاب کے عدالتی وفد دورہ برطانیہ سے پنجاب کی عدلیہ میں مزید اصلاحات لانے میں مدد ملے گی۔ ملاقات کے آخر میں چیف جسٹس سید منصور علی شاہ نے لاہور ہائی کورٹ کی جانب سے انگلینڈ اینڈ ویلز کے لارڈ چیف جسٹس کو سوینیئر بھی پیش کیا۔ ملاقات میں برطانیہ میں پاکستانی ہائی کمشنر سید ابن حسن بھی موجود تھے۔