شہبازشریف کی عادت ہےاتنا جھوٹ بولو کہ لوگ سچ سمجھیں‘ پرویزالٰہی
لاہور:(ملت آن لائن)شہبازشریف کی عادت ہےاتنا جھوٹ بولو کہ لوگ سچ سمجھیں‘ پرویزالٰہی، سابق وزیراعلیٰ پنجاب چوہدری پرویز الہیٰ کا کہنا ہے کہ وزیراعلیٰ پنجاب شہباز شریف نے صوبے کوکنگال کردیا ہے۔ تفصیلات کے مطابق مسلم لیگ ق کے رہنما اور سابق وزیراعلیٰ پنجاب چوہدری پرویز الہیٰ کا کہنا ہے کہ شہبازشریف کی عادت ہے اتنا جھوٹ بولوکہ لوگ سچ سمجھیں۔ چوہدری پرویز الہیٰ نے کہا کہ وزیراعلیٰ پنجاب شہبازشریف چاہتے ہیں کہ ان کا نام جھوٹوں کی گنیز بک میں آئے۔ مسلم لیگ ق کے رہنما نے شہبازشریف پرتنقید کرتے ہوئے کہا کہ وزیراعلیٰ پنجاب نے صوبے کو کنگال کردیا ہے۔ چوہدری پرویز الہیٰ نے کہا کہ اورنج لائن اورسولر سسٹم منصوبے کی تحقیقات کی جائیں۔
نیب کا مجھے طلب کرنا بدنیتی کے سوا کچھ نہیں تھا، شہباز شریف
یاد رہے کہ گزشتہ روزوزیراعلیٰ پنجاب شہباز شریف کا کہنا تھا میں نے قوم اوراپنے صوبے کا پیسہ بچایا ہے، اگر یہ جرم ہے تو کروڑ بار کروں گا۔ شہبازشریف کا کہنا تھا کہ آشیانہ اسکیم کا ٹھیکہ سب سے کم بولی والی پارٹی کو دیا گیا، نیب کی جانب سے مجھے طلب کرنا بد نیتی پرمبنی تھا۔