لاہور:(ملت آن لائن) بینک آف پنجاب کے صدر نعیم الدین خان نے اپنے عہدے سے استعفی دے دیا اور کہا ان پر کوئی دباؤ نہیں تھا، استعفٰی ذاتی وجوہات کی بنا پر دیا ہے۔
تفصیلات کے مطابق بینک آف پنجاب کے صدر نعیم الدین خان اپنے عہدے سے مستعفی ہوگئے ہیں، نعیم الدین خان نے کہا دس سال بنک کی بڑی خدمت کر لی، اب کسی نوجوان بینکر کو سربراہ لگانا چاہیئے۔
نعیم الدین خان کا کہنا تھا کہ جب انہوں نے ذمہ داری سنبھالی تھی، اس وقت بنک سترہ ارب روپے سالانہ خسارے میں تھا، آج جاتے ہوئے بنک کو ساڑھے بارہ ارب روپے سالانہ منافع بخش بنا دیا ہے۔
انہوں نے مزید کہا کہ ان پر مستعفی ہونے کیلئے کسی قسم کا دباؤ نہیں تھا، دس سالہ مدت پوری کر لی تھی، ساٹھ ارب روپے کے ڈیفالٹرز کیسز نیب اور کورٹ میں ہیں، یہ رقم جلد بینک کو مل جائے گی۔