کراچی(ملت آن لائن)ایم کیو ایم کے سابق بانی رہنما سلیم شہزاد نے نئی سیاسی جماعت بنانے کا اعلان کردیا۔سیاسی جماعت بنانے کا مقصد عوام کی خدمت کرنا ہے
کراچی میں انسداد دہشتگردی کی عدالت کے باہر میڈیا سے بات کرتے ہوئے سلیم شہزاد نے کہا کہ وہ کراچی میں امن، بہتر مستقبل اور صحت و صفائی کے لیے اپنا کردار ادا کرنے آئے تھے، اپنی سیاسی جماعت بنانے کا مقصد عوام کی خدمت کرنا ہے اور اس سلسلے میں پارٹی کے کارکنوں اور رہنماؤں سے رابطے میں ہیں، وہ تمام لوگ ترقی اور صحت و صفائی کے لیے ان کا ساتھ دینے کو تیار ہیں۔ جلد کارکنوں کے ساتھ مل کرلائحہ عمل کااعلان کیاجائے گا۔
ایم کیو ایم پاکستان کے رہنماؤں سے ملاقات کے حوالے سے سلیم شہزاد نے کہا کہ وہ ایم کیو ایم پاکستان کی موجودہ قیادت میں سب سے سینئیر ہیں، اس لئے فاروق ستار یا کسی اور سے نہیں ملیں گے، اگر کسی کو ملنا ہے تو وہ ان کے پاس خود چل کر آئے پھر بات ہوگی۔
جے آئی ٹی سے متعلق سابق ایم کیو ایم رہنما کا کہنا تھا کہ نواز شریف کو استعفی نہیں دیناچاہیئے کیونکہ جے آئی ٹی کی رپورٹ حتمی نہیں، اس سلسلے میں سپریم کورٹ کے فیصلے کا انتظار کیا جانا چاہیے۔
لائک کریں
ف