کراچی (آئی این پی) وزیراعلیٰ سندھ سید قائم علی شاہ نے ٹنڈو محمد خان میں زہریلی شراب پینے سے ہلاک ہونے والے 45افراد کے ورثاء کے لئے دو لاکھ روپے فی کس امداد کا اعلان کردیا۔ ہفتہ کو وزیراعلیٰ سندھ قائم علی شاہ نے اپنے بیان میں کہا کہ ٹنڈو محمد خان میں زہریلی شراب پینے سے ہلاک ہونے والے افراد کے ورثاء کو دو لاکھ روپے فی کس امداد دی جائے گی۔ میں ذاتی طور پر شراب پی کر مرنے والوں کے لئے معاوضوں کے خلاف ہوں یہ معاوضہ ورثاء کو انسانی ہمدردی کی بنیاد پر مالی معاونت کے لئے دیا جارہا ہے۔ زہریلی شراب پینے والوں کو کیفر کردار تک پہنچانا ہمارا فرض ہے۔ غیر قانونی شراب کی بھٹیوں کے خلاف مہم کو تیز کیا جائے۔ (ن غ)
خبرنامہ سندھ
وزیراعلیٰ سندھ کازہریلی شراب پینے سے ہلاک 45افراد کے ورثاء کیلئے 2,2لاکھ فی کس امداد کا اعلان
