آئی جی سندھ نے عدالتی حکم پر عمل درآمد کرتے ہوئے کراچی پولیس کے سربراہ مشتاق مہر کو عہدے سے ہٹا دیا۔
آئی جی سندھ پولیس امجد جاوید سلیمی کی جانب سے جاری نوٹیفکیشن کے مطابق سندھ ہائی کورٹ کے 7 ستمبر 2017 کے حکم کے مطابق اے آئی جی پولیس کراچی رینج کے افسر مشتاق مہر کا تبادلہ کر دیا گیا ہے۔
کراچی پولیس چیف مشتاق مہر کو سینٹرل پولیس آفس رپورٹ کرنے کا حکم دیا گیا ہے۔
ذرائع کا بتانا ہے کہ مشتاق مہر کی جگہ ایڈیشنل آئی جی فائنانس ڈاکٹر امیر شیخ کو کراچی پولیس کا چارج دے دیا گیا ہے