کراچی کو زندگی گزارنے کے قابل شہر بنانے کیلئے 10 ارب ڈالر کی ضرورت ہے، ورلڈ بینک
لاہور:(ملت آن لائن) عالمی بینک نے کہا ہے کہ کراچی کو اگر زندگی گزارنے کے قابل شہر بنانا ہے تو اس پر 10 ارب ڈالر خرچ کرنے کی ضرورت ہے۔ ورلڈ بینک کی رپورٹ کے مطابق کراچی کو ٹرانسپورٹ، ٹوٹی پھوٹی سڑکوں، پانی کی فراہمی اور نکاسی، کچرے، تجاوزات، بڑھتی آبادی اور آلودگی کے مسائل کا سامنا ہے۔
کراچی کے شہریوں نے ناقص صفائی کو شہر کا سب سے بڑا مسئلہ قرار دے دیا
عالمی بینک کے مطابق کراچی میں انفرا اسٹرکچر کی بہتری کے لیے 10 ارب ڈالر یعنی 11 کھرب روپے خرچ کرنے اور 10 سال کی منصوبہ بندی کی ضرورت ہے۔ عالمی بینک کی رپورٹ میں کراچی کے اربن ٹرانسپورٹ سسٹم، پانی کی فراہمی اور نکاسی آب اور کچرے کو ٹھکانے لگانے کے نظام کی خامیوں کی نشاندہی کی گئی ہے۔ رپورٹ کے مطابق ان خامیوں کی وجہ سے کراچی کے عوام کے معیار زندگی میں تیزی سے زوال آیا ہے۔ کراچی کے اورنج لائن بس منصوبے میں تاخیر، عوام اذیت میں مبتلا رپورٹ میں یہ بھی کہا گیا ہے کہ پاکستان کی کُل شہری آبادی کا پانچواں حصہ کراچی میں رہتا ہے لیکن اس کے باوجود یہ شہر توجہ سے محروم ہے۔ ورلڈ بینک کے مطابق کراچی میں سیکیورٹی کی صورت حال بہتر ہوئی ہے لیکن غریب آبادیوں کو فوری توجہ کی ضرورت ہے۔