خبرنامہ

جنوبی افریقا:(ملت+اے پی پی) کی ٹیسٹ کرکٹ ٹیم کے کپتان فاف ڈوپلیسی کی بال ٹیمپرنگ کے الزام میں جرمانے اور پوائنٹس عائد کرنے کی سزا کے خلاف اپیل مسترد کردی گئی ہے۔ آزاد جوڈیشل کمشنر مائیکل بیلوف نے ڈوپلیسی کو کوڈ آف کنڈکٹ کی شق بیالیس اعشاریہ تین کا مرتکب قرار دیتے ہوئے سزا کے خلاف اُن کی اپیل مسترد کردی ہے۔ آسٹریلیا کے خلاف ہوبارٹ ٹیسٹ کے دوران ڈوپلیسی کو بال ٹیمپرنگ کے الزام میں میچ ریفری اینڈی پائی کرافٹ نے میچ فیس کے 100فیصد اور تین ڈی میرٹ پوائنٹس عائد کرنے کی سزا سنائی تھی، جو مائیکل بیلوف نے برقرار رکھی ہے۔