خبرنامہ

بلاویو ۔ زمبابوین بلے باز میلکم والر پاکستان کے خلاف رواں ون ڈے انٹرنیشنل کرکٹ سیریز سے باہر ہو گئے، انہوں نے لیبر پریکٹس قوانین کے سبب سیریز سے دستبرداری اختیار کی ہے۔ والر کی عدم دستیابی کا مطلب ہے کہ زمبابوے کو پاکستان کے خلاف ایک روزہ سیریز میں آٹھ ریگولر کھلاڑیوں کی خدمات حاصل نہیں ہیں، برینڈن ٹیلر، سکندر رضا، گریم کریمر، سین ولیمز، کریگ ایرون، کائل جروس اور سولومن مائر پہلے ہی ون ڈے سکواڈ کا حصہ نہیں تھے۔ واضح رہے کہ والر سکواڈ کا حصہ ہونے کے باوجود گرین شرٹس کے خلاف پہلا ون ڈے نہیں کھیلے تھے۔ گرین شرٹس کو پانچ میچوں کی سیریز میں 1-0 کی برتری حاصل ہے۔