حال ہی میں نائیجریا سے تعلق رکھنے والا ایک شخص اس وقت خبروں کی زینت بن گیا جب اس نے اپنے والد کے مردہ جسم کو نئی BMW گاڑی میں رکھ کر زمین میں دفن کردیا- اس پرتعیش گاڑی کو بطورِ تابوت استعمال کرنے کے لیے خاص طور پر 90 ہزار ڈالر کی رقم کے عوض خریدا گیا-
Azubuike کے نام شناخت کیے جانے والے اس شخص اپنے والد کے انتقال پر فیصلہ کیا کہ وہ اپنے باپ کو آخری سفر پر پرتعیش گاڑی میں روانہ کرے گا- اور اسی مقصد کے تحت نئی BMW X5 کار خریدی گئی جس میں Azubuike کے انتقال کرجانے والے والد کے جسم کو رکھا گیا اور گاڑی کو گاؤں کے قریب ہی 6 فٹ گہری قبر کھود کر دفنا دیا گیا-
بعض سوشل میڈیا صارفین کی جانب سے دفنانے کے اس منفرد انداز کو والد کے لیے عقیدت قرار دیتے ہوئےAzubuike کی تعریف کی گئی جبکہ زیادہ تر صارفین نے اس عمل کو تنقید نشانہ بناتے ہوئے کہا کہ یہ ایک مذاق کیا گیا ہے اور اس رقم کو گاؤں کی فلاح و بہبود کے لیے بھی خرچ کیا جاسکتا تھا-
ایک صارف کا کہنا تھا کہ “ والدین کے لیے یہ گاڑی اس وقت خریدی جاتی جب وہ زندہ تھے٬ مرنے کے بعد والد کے لیے اس گاڑی کا تابوت کے طور پر استعمال کرنا سراسر جاہلانہ عمل اور پیسے کی نمائش ہے“-
دلچسپ بات یہ ہے کہ نائیجیریا میں رونما ہونے والا اس قسم کا یہ کوئی پہلا انوکھا واقعہ نہیں ہے- 3 سال قبل نائیجیریا کے ایک ارب پتی شخص نے اپنی والدہ کو دنیا کی مہنگی ترین گاڑی Hummer SUV میں رکھ کر دفنایا تھا-